Poetët humbën çelësin e shpresës
Sënduqet e fatit u varrosën pa të zotët
Enigmat e shpirtit, udhërrefyes të heshtjes
Tani kodojnë testamentin e kotit
Marrosësit, besimtarët, çakejtë, mjeranët
Zotohen të paepurit të jenë varrimtarë
Shërbëtorët e devotshëm mallkojnë fjalët
Idiotësitë e tyre groposin çdo thesar
Kur në botë vdesin një nga një poetët
Qeveritë emetojnë pa fund bono thesari
Siç duket, nga drithmat, elektrizohen të shkretët
Nga frika se poetët fonde do kërkojnë nga varri
Përgatiti për botim Shqipto.com
Autori
Be First to Comment