N’atë çast

N’atë çast

kur të mbërrish
kam me e shkërmoq pritjen
n’hap-a-krah
kam me t’kyç
n’thelb t’zemrës teme
veç me ta ndigju
të shtermen e zanit
korridoreve t’andrrave
le t’shqyhen tingujt
le t’buçasin muret
O sa butë kam me t’prek
n’vagëllimën tande
kam me t’peshu
e kam me t’ngritë
n’majën e qellit tem
veç me ta tregu atë botë
t’mbusht me frymë
me aromën tande

mandej
shkojmë tanej