Është ora kur mes degëve,
cicërima e bilbilit nis dëgjohet.
Është ora kur betimi i dashurisë,
ëmbël vjen me çdo pëshpërimë.
Fllad e puhizë e ujrat pranë,
muzikë në veshin e vetmuar.
Çdo lule tani vesa ka njomur
e në qiell yjet janë tokur.
Të thellën blu tani ka vala,
gjethja një kafe të përartë.
Dhe në qiell e pastra ngjyrë,
errësirë e butë, e pastra errësirë,
që vjen ngadalë kur dita ngryset
dhe muzgu me dritëhënën shkrihet.
Përktheu: Dritan Kiçi
Autori
Be First to Comment