Press "Enter" to skip to content

Dëshirore shqiptare

Kur agu ndrin e falë nuk thua
Por veç dësh’ron dreka të t’sjellë
Në mendje ke veç dua, dua
Harron, bota për ty s’është mbjellë

Kur qan se fati keq të polli
E ligësia t’ësht’ vënë pas
Habitesh pse bota s’të ngre dolli
Se ti ke më të mënçurin avaz?!

Se as frëngu nuk di të shkruajë
Aq bukur sa ç’zografisesh ti
Pa çka se tretegjashtë gërmat e tua
Akoma të tëra mirë s’i di

Më të ndershëm se ti e tuajt
Në këtë dynja jo nuk gjen dot
Fajin gjithnjë e kanë të huajt
Pisllëku yt nuk është për ndot

Kurva janë të tëra pas dere
Veç oxhaku yt ka nder, virtyt
Në ëndrrën e një nate vere
Endesh me lakun lidhur në fyt

Të tjera nga ky autor:

error: Content is protected !!