Kiki DIMOULA: Përpikëri

Dashuri mikroskopike
kopje e lashtësisë së saj.
Enë balte
e tregon gjysmë të shtrirë mbi sipërfaqe të tejdukshme,
ku duket dhe ana e saj e fshehtë.
Për vite mbështetej e sigurt
në një raft-ikonostas kujtimesh.
E gjeta të thërrmuar.
Gjymtyrët e trupit të copëtuara,
tjetërkund këmba, tjetërkund flatrat,
tjetërkund fajësia e saj.
Dyshoj te një copë shpluhurosëse,
vënë qëllimisht -vetëm Zoti e di-
nga kushedi ç’plagë e vjetër
etur për shpagim.
Mund ta ngjis dëmtimin
e kam studiuar gjatë anatominë e humbjes
por ama vras mendjen nëse duhet.
Mendoj që, nëse e lë
të thyer në copëza,
do jetë kështu më tepër dashuri.

Përktheu: Eleana Zhako 

Të tjera nga ky autor:

• Kiki DIMOULA: Mbi kufoma
• Kiki DIMOULA: Fraksion
• Poezi (Shkëputur nga libri “Mbartës melankolie”)
• Kiki Dimoula: Letër
• Tri tregime të shkurtra
• Eleana ZHAKO: Kaktus
• Eleana ZHAKO: Poezi
• Trofe – Plagë – Ëndërr (Cikël poetik)
• Televizori
• Krishtlindje 1948
• Derisa viktima të bëhet e jona
• Balta (fragment)
• Janis RICOS: Fjalë mishtore – Erotika
• Ahileas KIRIAKIDHIS: Në radë¹
• Zirana ZATELI: Epsh ndër tëmtha (fragment)
• Miltos SAHTURIS: Tri poezi
• Dimitris DIMITRIADIS: Apokalipsi i Kasandrës (fragment)
• Janis RICOS: Histori erotike
• Koha kalon përmes syve të saj
• Nikos KAZANTZAKIS: Asketika (fragment)