Janis RICOS: Mëhallat e botës (fragment)

Imagjino jeta të marrë udhë
e ti të mos jesh,
të mbërrijnë pranverat me dritaret e hapura tejpërtej
e ti të mos jesh,
t’ia behin vajzat në stolat e parkut me fustanet e tyre shumëngjyrëshe
e ti të mos jesh,
të rinjtë të notojnë në mesditë
e ti të mos jesh,
një pemë e lulëzuar të përkulet në ujë, flamuj të valëviten mbi ballkone
e ti të mos jesh.
Më pas, një çelës të rrotullohet – dhoma të jetë e errët,
dy gojë të puthen nën hije
e ti të mungosh.
Imagjino dy duar që shtrëngohen dhe ty të të mungojnë duart,
dy trupa të kapërthehen e ti të flesh nën dhe,
kopsat e xhaketës të jetojnë më gjatë se ty,
dhe plumbi i ngulitur në zemrën tënde të mos tretet,
kur zemra jote, që kaq shumë e deshi botën, të jetë tretur.
Të mungosh – s’është asgjë të mungosh.
Nëse mungon vërtetësisht, do jesh gjithmonë brenda gjërave që u ke munguar,
do jesh gjithmonë brenda botës.

Përktheu: Eleana Zhako

Të tjera nga ky autor:

• Takis SINOPULOS: Kënga e këngëve
• Tasos LIVADHITIS: Erotike
• Janis Ricos: Erotika (Pjesë)
• Janis Ricos: Erotika
• Janis Ricos: Epitaf (Vazhdim)
• Dimitris DIMITRIADIS: Vdes siç vdes një vend
• Costas MAVROUDIS: Dy tregime të shkurtra nga “Pavdekësia e qenve”
• Nikiforos Vrettakos: Galaktikat e vogla
• Aris ALEKSANDRU: Poezi
• Konstandin P. KAVAFIS: Itaka
• Kristina FRANGESKAKI: Hedh rrënjë (fragment)
• Janis RICOS: Fjalë mishtore (fragment)/Erotika
• Konstandin P. KAVAFI: Muret
• Safo: Tri poezi
• Jorgos SEFERIS: Ikje
• Janis Ricos: Epitaf
• Kiki DIMOULA: Përpikëri
• Kiki DIMOULA: Poezi (Shkëputur nga libri “Mbartës melankolie”)
• Konstandin P. KAVAFI: Miris; Aleksandria e 340-s
• Eleana ZHAKO: Poezi