Varret e mia

Varret e mia! Mbledhur tufa-tufa, si lule të thara, ruajtur në kujtim të aromës që na bënte të ndiheshim mirë.

Varret e mia! Copa të grisura nga fotografia e një dasme që s’mundëm ta shijojmë se hatri na mbeti për vendin ku na ulën; ikëm papritur e pas na ndoqën veç pendimet.

Varret e mia! Kasaforta të pathyeshme të kujtimeve më të bukura që më bëjnë të qaj se s’i hap dot të nxjerr dashuritë që mbajnë brenda.

Varret e mia! Gurëzuar në porcelan, me buzëqeshje që më bëjnë të shkrehem në vaj; të shtrihem në tokën e butë e të lutem veç për një çast, një prekje, një përkëdhelje, një fjalë.

Varret e mia! Me emra që më ndjellin gaz e mjerim, mrekullim e dhimbje, ëndrra e tmerr. Baba i dashur, nëno e ëmbël, xhaxha, hallë, vëlla, shok…

Varret e mia mbajnë nën dhe, burgosur si titanët, heronjtë e mi; të lavdishëm e të ëmbël në vegime të hidhura që më bëjnë të qesh tek qaj e qaj, oh…, pse më s’i kam?

Varret e mia! Monumente të lutjes për një tjetër shans. Tempuj të një shprese të pashpirt, që premton veç dhimbje.

Varret e mia. Limani i anijes sime.

Përgatiti për botim Shqipto.com

Të tjera nga ky autor:

• Dëshirore shqiptare
• Errësirë
• Dans ma rue vit un vieil homme
• Pellgjet
• Në krahët e tu të vdes
• Wild cherries
• Në rrugën time jeton një plak
• Në një gjithësi tjetër
• Si të shkruash një sonet
• Letra dashurie: Juliette Drouet për Victor Hugo
• Kur më qesh im atë
• Nëse ty
• Jacket in the summer
• The gentleman’s pleasure
• Xhaketë mes beharit
• Pulë e pjekur dhe byrek
• Te Mimoza Kuchly rrëfen jo vetëm gruaja
• Kënaqësia e Halimit
• Ca kupa verë me Perëndinë
• Përhumbur