Për Viktor Hygonë
16 shkurt 1883
Ejani të më takoni sonte, në shtëpinë e zonjës K!
Do t’ju dua deri në pritshmërinë më të pafundme. Këtë mbrëmje! Oh, kjo mbrëmje do të jetë gjithçka!
Do t’ju falem e gjitha!
Për Zhulietë Drouet
7 mars 1883
Ju dua engjëlli im dhe ju e dini shumë mirë, e megjithatë dëshironi t’ju shkruaj. Keni të drejtë. Si fillim është dashuria; mandej ajo duhet shprehur; më vonë shkruhet e, së fundmi, puthen buzët, sytë dhe gjithçka. Ju jeni Zhulieta ime e ëmbël.
Kur ndihem I trishtuar, ju mendoj ashtu si dimrit imagjinojmë diellin; kur jam i gëzuar më shkon mendja te ju, ashtu siç lutemi për hije gjatë diellit përvëlonjës. E shihni, Zhulietë, që ju dua me gjithë shpirt?
Ju i shëmbëlleni një fëmije, por keni, po ashtu, dhe pamjen e një nëne; unë ju mbështjell në të gjitha këto dashuri, njëherësh.
Puthmëni, bukuroshja ime, Zhulietë!
Viktor Hygo
Çka filloi zyrtarisht në mbrëmjen e 16 apo 17 shkurtit nuk ishte një ndjenjë kalimtare, por një dashuri e përjetshme.
Ajo shprehet se ai ishte dashuria e saj e parë. Kështu tha edhe ai, gjë që lë për të dyshuar.
Përktheu: Mimoza Kuchly
Të tjera nga ky autor:
- Mimoza KUCHLY: Cikël poetik
- “Don Kishoti i Mançes”, një vepër e mallkuar?
- Mimoza KUCHLY: Magjia e bukës
- Mimoza KUCHLY: Përsiatje mbi librin “Dëfrim heshtnaje” të Valentina Saraçinit
- Sully PRUDHOMME: Poezi
- Intervistë me Albert Kohen
- Kujtimet e Jozef Leopold Hygo për lindjen e të birit, Viktorit
- Mimoza KUCHLY: Reflektime mbi romanin “Kryqi i harresës”, së autores Flutura Açka
- Mimoza KUCHLY: Ai, baleti dhe unë
- Mimoza Kuchly: Balerina pariziane
- Letra e fundit erotike e Bonapartit për Jozefinën
- Letërkëmbimi i dashurisë së George Sand dhe Alfred de Musset
- Mimoza Kuchly: Copëza poetike
Be First to Comment