Press "Enter" to skip to content

Nelly SACHS: Në agun e mëngjesit

Në agun e mëngjesit
kur një zog zgjimin luan
nis orë e mallit braktis
gjithë pluhurin e vdekjes

O orë e të lindurve
me vuajtje qarkuar,
që njerinë e ri ngjizët
nga brinja e parë

I dashur, malli i pluhurit tënd
përmes zemrës sime tallazet zhvendos.

Përktheu: Ana Kove (Anrila Spahija)

Pak biografi:

Nelly Sachs, lindur me emrin Leonie Sachs, më 10 dhjetor 1891 në Berlin, është një ndër shkrimtaret e shquara të lirikës gjermane. Ajo është fituese e çmimit të madh “Nobel” për letërsinë në vitin 1966, së bashku me shkrimtarin Samuel Jozef Agnon, me të cilin e lidhte prejardhja hebreje.
Përpjekjet e saj letrare nisin qysh në vitet para Luftës së Parë Botërore. Por ardhja në pushtet e Hitlerit e ndryshoi në mënyrë radikale jetën e saj, e cila, në Berlin, u bë e pamundur nga përndjekjet e regjimit nacional-socialist, ndaj në vitin 1940 braktisi Berlinin për t’u vendosur në Stockholm, ku jetoi deri sa vdiq, më 12 maj 1970. Në lirikën e saj, ajo është identifikuar me dramën e Holokaustit dhe me dhimbjen e popullit hebre, duke ngritur njëkohësisht shqetësimet dhe dhimbjet e njerëzimit në përgjithësi.
“Vdekja ishte mjeshtër i mësuesve të mi. E si mund të merresha me tjetër gjë, metaforat e mia janë plagët e mia. Vetëm ashtu mund të kuptohet ç’kam shkruar”, shkruante Sachs.
Vdiq në vitin 1970.

Të tjera nga ky autor:

Be First to Comment

    Komento