Luan RAMA: Ne nuk patëm kohë

Ne nuk patëm kohë të flisnim, e dashur,
veç puthnim gishtërinjtë dhe gjokset tona,
endeshim mbi trupa që dihasnin dëshirë,
jo, nuk patëm kohë të flisnim,
veç u binim kambanave tona
dhe ato na përpinin e thithnin brenda tyre.
Ne pinim veç burimet e njëri-tjetrit,
thithnim nektarin e kurmeve, të syve, buzëve
oh, ç’nektar i ëmbël, që papiruset e vjetra nuk na e thonë!
Kush je ti, cili jam unë,
nuk thamë asgjë, veç putheshim të dehur,
më shumë se Baudelaire nga poezitë e tij,
s’kishim kohë, edhe pse na dukej sikur njiheshim një jetë;
fqinj të dashurisë,
në atë kohë relative sikur gjetëm Anjshtanjin!
Nga vije ti, nga vija unë,
nga ç’rrugë të këtij globi kaq të nxehtë,
nuk e dimë ende, kush je ti e dashur,
me ato buzë që djegin në skajin tjetër të botës,
kush je ti – ëndërr nderur në tavanin e shtëpisë sime,
që sa hap sytë, të shoh dhe të përshëndes…
Ne nuk patëm kohë të flisnim për jetët dhe dashuritë tona
Ne… e harruam vetë kohën!

(Shkëputur nga vëllimi me poezi “Territoret e shpirtit”)

Të tjera nga ky autor:

• Luan RAMA: Vetëm sonte mos fli!
• Luan Rama: Letra e hirit
• Mihalis GANAS: Intime
• Luan RAMA: Pikëtakim i habitshëm mes Rimbaud dhe Migjenit
• Luan RAMA: Mësimi i artit të dashurisë
• Anila Toto: Poezi
• Luan RAMA: Dashuri si në kohën e kolerës
• Luan RAMA: Feliçeta
• Elinda Marku: Poezi
• Agim PIPA: Cikël poetik
• Tua Forsström: Poezi
• Luan RAMA: A të pëlqen Karavaxhio?
• Anisa HYSESANI: Poezi
• Laure CAMBAU: Për të bërë portretin e një fruti
• Ndue UKAJ: Poezi
• Luan RAMA: Duke lexuar Prevert
• Mirela SULA: Cikël poetik
• Ndue Ukaj: Poezi
• Ornela MUSABELLIU: Poezi
• Luan RAMA: Një muze imagjinar për veten