Press "Enter" to skip to content

Lindja e perëndisë sime

0Shares

Zemër, sytë të qeshin kur më sheh
Po ta them shqip atë që zemra do
Me qepalla shpirtin lart ma ngre
Fryma jote dimrin tim e ngroh

Kur të shqiptoj ca fjalë dashurie
E ti më prek me gishtat e përlotur
Ndjej dhimbjen të më ndjekë pas si hije
Veten shoh të vogël, të paplotur

Një puthje më mjafton nga ato buzë
Shqiptuar veç me heshtje e pa fjalë
Nga shpirti im një lule do këpus
Do të ta fal, ta bësh ti vajz’ a djalë

Nga barku yt do lindë si perëndia
E ti, nënë e shenjtë do i rrish pranë
Në luftë do kalojnë ditët e mia
Që të pushtoj për ju, botën mbanë

Dhe në se bëfsha dot atë që duhet
Do të shqiptoj në lutje veç ca fjalë
Në thënsha kot një fjalë që s’thuhet
Nëna e perëndisë do të më falë!

Zemër, sytë të qeshin kur më sheh
Po ta them shqip atë që xhani do
Veç një fjalë shpirtin lart ma ngre
Fryma jote dimrin tim e ngroh

Të tjera nga ky autor:

0Shares

Be First to Comment

Komento