Elinda Marku ka lindur më 20 shkurt 1969 në Rubik (Mirditë). Ajo ka studiuar për Gjuhë dhe Letërsi Shqipe në Universitetin “Luigj Gurakuqi” në Shkodër. Prej vitit 1999 jeton në Michigan, ku është kryeredaktore e revistës së përmuajshme shqiptare “Kuvendi”, që publikohet në Amerikë. Marku është autore e tre librave poetikë të botuar: “Dy herë e virgjër” 1994, “Struktura e ferrit” 1996, si dhe “[email protected]” 2003, por shumë shpejt do të kemi mundësi të mbajmë në duar edhe librin më të ri të autores “Mëkati i katërt”, i cili është në proceset e fundit të botimit.Pasioni.net ofron për lexuesit disa nga poezitë e saj, ku shprehet qartazi talenti dhe pena e fuqishme, shpirti i ndjeshëm: burimi prej nga rrjedhin vargjet e bukura.
Nuanca zemërimi
Me ngjyrë zemërimi
do ta vesh të sotmen
Të djeshmen,
me ngjyrë harrimi!
Të nesërmen,
ylber do ta bëj!!
Nuk të dua më!
Megjithatë …
Nuk dua të të pyes;
përse më shtyn,
kaq pamëshirshëm
drejt humnerës së ndarjes.
Aty ku urrejtja si egërsirë
kërcëllen dhëmbët ulëritshëm
duke pritur mishin kaq të ëmbël
të dashurisë time!
… Nuk të lëshoj.
Në gojë të errësirës pa ty
nuk hyj!
Nuk dua të të pyes
ndonëse dua të di,
Kush të shtyn
të më shtysh???!
Të tjera nga ky autor:
- Albina GJERGJI: Poezi
- Franz Werfel: Biografi dhe poezi
- Hamit ALIAJ: Poezi
- Mirela SULA: Cikël poetik
- Ylli ÇELA: Afshi djalërak
- Nelly SACHS: Në agun e mëngjesit
- Stanislav LVOVSKI: Poezi
- Ardita JATRU: Poezi
- Leonard COHEN: Poezi
- Jorge LUIS BORGES: Poezi
- Luan RAMA: Poets die like birds
- Azem Qazimi: Poezi
- Nelly SACHS: Gjithmonë
- Frederik Rreshpja: Poezi
- Albina GJERGJI: Poezi
- Doreida GEDAJ: Poezi
- Nelly SACHS: Cikël poetik
- Luan RAMA: Ne nuk patëm kohë
- Ndue Ukaj: Poezi
- Tua Forsström: Poezi
Be First to Comment